Ирмосы, глас 4

1. Отверзу уста моя,/ и наполнятся Духа,/ и слово отрыгну Царице

Матери,/ и явлюся светло торжествуя, // и воспою, радуяся, Тоя чудеса.

3. Твоя песнословцы, Богородице,/ живый и независтный источниче, / лик севе совокупльшия, духовно утверди,/ в божественней Твоей славе, // венцев славы сподоби.

4. Седяй в славе,/на престоле Божества во облаце легце,/ прииде Иисус Пребожественный,/ нетленною дланию и спасе зовущия,// слава, Христе, силе Твоей.

5. Ужасошася всяческая/ о Божественней славе Твоей/ Ты бо, Неискусобрачная Дево/ имела еси во утробе над всеми Бога/ и родила Безлетнаго Сына,/ всем воспевающим Тя//мир подавающая.

6. Божественное сие и всечестное/ совершающе празднество/ богомудрии, Богоматере,/ приидите, руками восплещим// от Нея родшегося Бога славим.

7. Не послужиша твари богомудрии,/ паче Создавшаго/ но огненное прещение мужески поправше/ радовахуся, поюще// препетый отцев Господь и Бог благословен еси.

Хвалим, благословим, покланяемся Господеви, поюще и превозносяще во вся веки.

8. Отроки благочестивыя в пещи/ рождество Богородичо спасло есть/ тогда убо образуемое/ ныне же действуемое/ вселенную всю воздвизает пети Тебе/ Господа пойте дела// и превозносите Его во вся веки.

9. Всяк земнородный,/ да взыграется, Духом просвещаемь/ да торжествует же бесплотных умов естество/ почитающее священное торжество Богоматере/ и да вопиет:/ радуйся, Всеблаженная Богородице, // Чистая Приснодево.