Вставка на «рцем вси…» на Литургии.
Еще молимся о милости, жизни, мире, здравии, спасении, посещении, прощении и оставлении грехов рабов Божиих: братии святыя Обители сея, и всех зде предстоящих и молящихся.
О еже милостивым оком призрети на Святую Свою Церковь и соблюсти ю невредиму и непреобориму от нестроений и миром Своим оградити, молимся Тебе, Спасителю наш, услыши и милостивно помилуй.
О еже примирити разделения среди народов Отечества нашего и силою Святаго Духа обратити всех на путь мира и братолюбия, рцем вси: милостивно услыши и помилуй.
Давый заповедь Твою нам, еже любити Тебе, Бога нашего и ближнего своего, сотвори, да ненависть, вражда, обиды и прочие беззакония прекратятся, истинная же любовь и мир Твой да царствует среди народов Отечества нашего, молимся Тебе, Спасителю наш, услыши и милостивно помилуй.
Вставка на «Заупокойной» ектении на Литургии.
Еще молимся о упокоении душ усопших рабов Божиих: Святейших Патриархов Сергия, Алексия, Пимена;
преосвященных митрополитов: Платона, Макария, Николая;
архиепископа Августина;
протоиереев Александра, Константина, Иоанна, Андрея, Алексия;
игумена Марка;
архимандрита Феодорита;
схиархимандрита Иоанна, арх. Георгия;
протоиерея Николая; Иоанна, Анны;
иерея Николая, иерея Иоанна; и рабов Божиих Владимира, Ольги; Михаила, Пелагии, Иоакима, Димитрия, Владимира, Владислава, Игоря, Ярослава, Андрея, Павла, Александра, чтеца Александра;
И рабов Божиих (имя рек); зде начальствовавших, учивших и учившихся; почившей братии святыя Обители сея и всех зде ныне поминаемых, и о еже проститися им всякому прегрешению вольному же и невольному.