Нысандарды байланыстыру.

Нысандарды байланыстыру функциясына рұқсатты Стандартты (Standard) тақтасының топталған батырмасымен немесе Нысандарды байланыстыру (Object Snap) тақтасы арқылы жүзеге асыруға болады. Топталған деп оң жақ төменгі бұрыштағы қара үшбұрышты батырманы айтады. Егер тышқан көрсеткішімен аталған батырманы таңдап, тышқанның сол жақ батырмасын басса (жібермей!), аталған топқа кіретін батырмалар құралдары жиыны ашылады. Ашылған батырмалардың ішінен өзіңізге қажеттісін таңдағаннан кейін, тышқанның сол жақ батырмасын жіберу керек.

Сурет 4.Нысандарды байланыстыру (Object Snap) тақтасы

Опциясы:

Temporary Tracking Point (Қадағалау нүктесі) – аралық нүкте көмегімен қадағалауды пайдалану;

Snap From (Қозғап қою) – басқа (көмекші) нүктеден ауыстыру;

Snap to Endpoint (Соңғы нүкте) – соңғы нүкте;

Snap to Midpoint (Орта) – ортаңғы нүкте;

Snap to Intersection (Қиылысу) – қиылысу нүктесі;

Snap to Apparent Intersection (Жуықтап қиылысу) – екі нысанның жалғасуының қиылысу нүктесі;

Snap to Extension (Сызықтың жалғасы) – жалғастыру нүктесі;

Snap to Center (Ортасы) – доға немесе шеңбердің ортасы;

Snap to Quadrant (Квадрант) – доға немесе шеңбердің квадрант нүктесі (0, 90, 180 және 270 градуста орналасқан нүктелер);

Snap to Tangent (Жанасу) – жанасу нүктесі;

Snap to Perpendicular (Нормаль) – нысанға перпендикуляр;

Snap to Parallel (Параллелді) – нысанға параллель;

Snap to Insert (Орнату нүктесі) – мәтінді, блокты, сыртқы сілтемені орнату нүктесі;

Snap to Node (Түйін) – түйін нүктесі;

Snap to Nearest (Жақын) – нысанға жақын нүкте;

Snap to None (Ештеме) – объектілерді байланыстыруды қолданбау;

Object Snap Settings (Нысанды байланысу режимі)– байланысудың тұрақты режимін күйге келтіру.