ЛД үрдісі, бессемерлік және томастық конвертерлік үрдістермен салыстырғанда, әмбебап үрдіс. Жоғарыдан оттегімен үрлеу конвертерінде химиялық құрамы әр түрлі: мартендік, жоғары фосфорлы, ванадийлі, жоғары марганецті және т.б. шойындардан болат қорытуға болады. Дүниежүзілік практикада ЛД үрдісімен негізінен мартендік шойыннан болат қорытады [8].
ЛД үрдісімен мартендік шойыннан болат қорытудың негізгі операциялары (3.11 сурет) төмендегідей [5]:
1) скрапты салу (3.11, а сурет);
2) шойынды құю (3.11, б сурет);
3) жоғарыдан техникалық таза оттегімен үрлеу (3.11, в сурет);
4) сынама алып, металл мен қождың құрамын анықтау;
5) балқыманы ағызып, берілген құрамға жеткізу (3.11, г сурет);
6) қожды ағызу (3.11, д сурет).
Мартендік шойыннан болат алу операцияларының жобаланған ұзақтығы, конвертер сыйымдылығына қарай, 3.2 кестеде келтірілген.
Болат қорыту уақыты 30-40 минуттай болған соң, конвертерлік цех жоғары өнімділігімен ерекшеленіп, онда 2 немесе 3 конвертер орнатылады.
Болат өндірудің дүниежүзілік практикасында жаңа конвертерлік цехты, болатты үздіксіз құю қондырғысымен бірге жобалау басты бағыт болып табылады.
3.11 сурет – ЛД үрдісінің негізгі операциялары
3.2 кесте – Балқыма операцияларының уақыты [15]
Операция атауы | Конвертер сыйымдылығы, т | |||
операция ұзақтығы, мин | ||||
Скрапты салу | ||||
Шойынды құю | ||||
Балқыманы үрлеу | ||||
Сынама алу және оның нәтижесін күту. Температураны өлшеу. | ||||
Металды ағызу | ||||
Қожды ағызу | ||||
Конвертерді қарау мен дайындау және есепке алынбаған жоғалтым | ||||
Балқыма ұзақтығы |