Подобно великому святителю и чудотворцу Николаю являешися во сне и яве, по своем представлении, святителю отче наш Арсение, извествуя велию благодать, данную тебе от Христа Бога, и неусыпное промышление твое о спасении жительствующих во святей обители твоей и всех с верою притекающих к твоему отеческому покрову. Явился бо еси во сне некому клирику и вещевал его не удалятися из твоея обители, и яве предстал еси благоговейному епископу Алексию, яко ангел Божий, дверем затворенным, вошед в его келлию и помолився иконе Спасовой, кротко вопросил его о месте пребывания архимандрита твоея обители. О сем прославляем дивнаго во святых своих Бога нашего и вопием: Аллилуиа.