Локтiс гожум, шоныт гожум:
Ойыс дженыт, луныс кузь.
Пемыт некöр оз и овлы.
Пемыт му вылö оз усь.
Ой-лун мунö, ой-лун кольö...
Вот и локтiс ытшкан дыр.
Кинлö бытшöм турун колö,
Ытшкö, куртö пырись-пыр.
Шондi петö, шондi лэдзчö...
Видзлын лунтыр пуö йöз.
Быдöн турун аслыс керö —
Тшыгйöн оз кув вöв не мöс.
Коса ытшкö, куран куртö,
Кыным зород!.. Куим, нёль.
Коми йöзлöн сьöлöм бурмö,
Пода вердастöг оз коль.
Ытшкöм ештiс. Вундан воис.
Оз туй шуны уджлö шань.
Вöвлö, мöслö кöрым лоис,
Воас сыкöт и виль нянь.