ЗУБОВ ПИТЮ

 

 

ЗУБОВ

ПИТЮ ÖНЬÖ

 

(1899 ― 1937)

КЫВБУР

ПЕРЕМ 2006

Пытшкöс:

Кывбуррез:

Адззисьлöм

Батрак

Вонö

Гöрд Октяб

Гажажык, комиэз, олö

Гожум

Кöдзисьлöн сьöлöмгаж

Кöркö и öні

Карта бöрын

Коми мортлö

Комиэз-воннэз

Кытчöдз том

Мича ныввез

Мыйкö сказка кодь

Овсьöма

Проповедь

Сар осьтіс война

Тöждісьöм

Терентий ёрт

Тулыс

Ытшкисьны

Ытшкисян кад

Эк, том пораöй

 

 

Сьыланкыввез:

 

Вöралісьлöн сьыланкыв

Голь

Ичмоньлöн тöждісьöм

Кöкö горттöм

Лён

Озыр Пиля

Ой, деревня менам

Пемыт ойöн

Том ныввезлö

 

 

Поэмаэз:

 

Виль туй вылöт

Горттöм кöк

Олат-вылат, комиэз

Сьöлöмшог

Шудтöм

Челядь понда кывбуррез:

 

Öнджа

Вöрын

Джыдж

Катша

Коми велöтчисьлö

Мастерскöйын

Ми — пионеррез

Оськöлöн одзö

Пионер ме

Талун масленича

КЫВБУРРЕЗ

 

БАТРАК

Ой, олö, челядь, том дырья,

Гажöтчö, мымда вын,

Мед сьöлöм тiян моросын

Некöр бы эз вöв кын.

Эд томся кадыс öтпырись

Тiянлö сетöма,

Чулöтны сiйö буржыка

Оланöн пуктöма.

И ме сэтшöм жö вöлi том,

И менам пизис вир,

А лым кодь чочком вывтырам

Эз лякасьлы и сир.

Да чожа, челядь, сылi ме,

Кыдз сылö бивлын лым:

Кöиннэзлö да поннэзлö

Травитi ассим вын.

Веритат я, од веритö,

Порсь гидын чужи ме.

Полатьувт, горколас сайын

Куканькöт быдми ме.

Семья коласiсь медбöрья

Пö чужсьöма менам,

Да ме вотöдз куим эшö,

А сэсся ай да мам.

Ми олiмö умöлика,

Кушыникöсь олiм.

Мый шедтiмö ас киэзöн,

Сiйöн пöтöсь вöлiм.

Олан, вежöртат, эз вöв бур—

Некин эз вöвлы пöт,

Кöр мунан туйлöт — пезьдалан,

Чужöмыт, кыдз симöт.

Вöдитчимö и пашняöн,

Да толкыс эз вöв нем:

Овлывлiс — розосво кежö

Сусекын оз коль нем.

Уджалiссес коласаным

Куима вöлiсö:

Богат кöзяин удж понын

И юррез öштiсö.

Вот керку шöрас колимö

Куимöнöсь сэк ми,

Поснит кинся поснитикöсь —

Кашниккез кыдзи ми.

Паськöмтöг, сёйтöм-ютöмöсь,

Весöттöмöсь гöгöр:

Кöть пуксьы кытчö джодж шöрас

Да лунтыр сэтöн бöрд.

Некин оз кыв, некин оз лок,

Некин оз кер и след.

Кин мунö — кежö мöдöрö,

Не адззыны пö мед!..

Сэк тэчим ми котомаэз

И корны мунiмö.

Да нiя котома сорöн

Сiдз йöзын быдмимö.

Даскык год тырöм бöрын

Ме строкö медаси.

Даскык год тырöм бöрын

Ме гöр бердö сувтi.

Вот сэксянь öння пораöдз

Ме строккезын ола.

Вот сэксянь öння пораöдз

Высин ассим сёя.

А дзар кера тай, сё сымда:

Не бöрам, не одзам,

Не керкужуг, не понпиян,

Не йöз шöрö петан.

 

 

САР ОСЬТIС ВОЙНА

Деревняын гöгöр лöнь — Юöр локтöма пö тöн: Тэчны колö котома,

ПРОПОВЕДЬ

Православнöй кресьтяна, Бырöм вешьяна! Ме тiян поп,

ГÖРД ОКТЯБ

Октяб революциялöн дасöт во кежö Ойшöрся пемытiсь,

МЫЙКÖ СКАЗКА КОДЬ

Иньва дорсянь вöр шöрö Чуклясьöмöн туй мунö: Пуэс сiйö жмитöмась,

ТЕРЕНТИЙ ЁРТ

Ок, не тэ я, Терентий ёрт, Чеччан ойся ойöн пыр; Да не тэ я ыбвыв шöрын

АДЗЗИСЬЛÖМ

Кресенняö видззез кузя Насту гортас лэдзчö. Шоголь Петра, дзарьялöмöн,

КАРТА БÖРЫН

Вадöр дорын ва кайöттöн, Меным сiя шуис: «Ашын ойшöр бöра вовлы,

ТÖЖДIСЬÖМ

Дзульзян кайöн-ыбшарöн Томся кадö лэбзис. Пемыт нёштöм кымöрöн

МИЧА НЫВВЕЗ

Мича ныввез, коми ныввез, Вадöр дорö лэдзчисö, Кырас дорö, веж луд вылö

ТУЛЫС

 

Шоныт тöвру лунсянь пöльтö.

Енкымöрыс видзö лöз.

Саридз сайсянь пöтка локтö,

Сир дук лэдзö ньыв да кöз.

 

Веж турунöн му вевттисьö.

Горöн кайез дзульзьöны.

Гöгöр ловзьö, гöгöр оссьö, —

Гожся луннэз локтöны.

 

Шондi васиннэсö косьтö,

Лэбтö вывланьö лöз ру.

И крестьянин кöдзны петö —

Вевттьö осяöн сьöд му.

 

Инька пöлöс горт гöгöрын

Сiдз жö пизьö, оз ов весь!

Кöда карч садитö йöрын,

Кин ештöтö дöра вез.

 

Поснит челядь гильзьö кылö

Кöмтöг öтöрын лунтыр.

Бурлак кер кылöттöн сьылö.

Васай видзвлын пода тыр.

 

Локтiс дыр видзчисьöм тулыс,

Вайис уна берся тор.

Кулöм гагыс ловзис муас,

Корья пуöс вевттис кор.

 

 

 

КÖДЗИСЬЛÖН СЬÖЛÖМГАЖ

Муиньöй тэ, муиньöй, Вексö юрвердiсиньöй, Куйлан тайö, паськалан,

ГОЖУМ

 

Пыдöстöм чим лöз нёбоöт

Шыбыльтö-кывтö тшын руок,

Туплясьö шондi гаж вылын,

Дзик горвыв кань горби одзын.

 

А дзирыт шондi вылiсянь

Уськöтчöм мувлö югöрнас

Да сотö, косьтö, нюмлалö

Быд торлiсь шондiбан одзсö.

 

Вот шупыт тöвчик туй шöрöт

Котöртö-орсö гардчöмöн:

То лэбтö туй бус чаг сорöн,

То пу йыв нетшкö, нёкралö.

 

А ыбыс! Ыбыс мый пасьта!..

Гыасьö няньöн саридз моз:

Копрасьö сю нюдз тылöпа,

Дзардöтö шондiбан одзын.

 

Мужиклöн дона киподыс

Тэрмасьö, пыктö адззöмöн,

Мед чожжык гöрись-кöдзисьлö

Вайöтны, сетны одзöссö.

 

Ой, гöрись-кöдзись — му видзись,

Эн ни пов тшыгйöн кулöмсис:

Ньылöмöн нюдзмöм му вылат

Тырсялö тэнат сьöлöмгаж.

 

 

ЫТШКИСЬНЫ

Ашын чечча ме Мича шондiтöг. Виль косаöс ме

КЫТЧÖДЗ ТОМ

Ме я кытчöдз томся-том, Ветлöтöмлö ог сет пом, Воляöс ог сермöтав,

ЫТШКИСЯН КАД

Локтiс гожум, шоныт гожум: Ойыс дженыт, луныс кузь. Пемыт некöр оз и овлы.

КÖРКÖ И ÖНI

КÖРКÖ   Яка ордын гур, гур, гур!

ЭК, ТОМ ПОРАÖЙ!

Эк, Якуня-Ваня, том пораöй! Гöнитан, зурасян кадöй... Зураси тай, зураси

КОМИЭЗ-ВОННЭЗ

Комиэз-воннэз, Уль вöрлöн зоннэз, Тырмас ни жугыля овны!

ОВСЬÖМА

Мама, ашын одз чеччы, Котомаöс лöсьöт менчим, Кый волыссö ёнжыка,

СЬЫЛАНКЫВВЕЗ

 

ГОЛЬ

 

Не гуна, не карта,

Керкуыс пöлiньтчöм.

Коккес кушмöмась швач,

Поньтокжугыс киссьöм.

 

Олö да гажöтчö —

Шогсö öтпыр оз тöд.

Мый бы сыкöт эз вöв,

Юр некöр оз öшöт.

 

Куим лун кöр оз сёй,

Некинлö оз висьтась,

Сосед öшын увтын

Кинкö моз оз кыскась.

 

Кöр сiйö ни öддьöн

Шогыс кутас сьöкыт,

Кöр мöдiккез шöрын

Залиш лоас дзескыт —

 

Лэдзчас сэки видзлö

Раз-мöд свись шутньöвтас,

Водас баддез увтö,

Сьыланкыв пондöтас.

 

 

ИЧМОНЬЛÖН ТÖЖДIСЬÖМ

Мыля жö менö тi, Айиньöй-маминьöй, Родимöй вонiньöй,

ОЗЫР ПИЛЯ

Кöркö вöлi озыр Пиля, Коньöр йöзсö сöскис зiля — Зепсö тыртiс.

КÖКÖ ГОРТТÖМ

Парма яг шöрын. Норöн бöрдö чочком юра нылiньöй (да ой) Югыт шор дорын.

ВÖРАЛIСЬЛÖН СЬЫЛАНКЫВ

Чожжык, чожжык, вöралiссез, Кылат туткö горöн сюр. Пемыт ягö сьöлöм кыскö,

ПЕМЫТ ОЙÖН

Пемыт ойöн да арся кадöн, Ок, кöркö менö мамö чужтöма. Сизим арöн да шöрттöм дöра,

ЛЁН

 

Меным айö кöдзис лён,

Бур да бытшöм быдмис лён,

Ак тэ, диво, быдмис лён. (кыкись)

 

Лёнöс ассим ме весöтi —

Лёк турунсö вужнас летi,

Ак тэ, диво, вужнас летi. (кыкись)

 

Да велалiс лён пытшкас

Йöгись Ваню ― Пронь быдтас,

Ак тэ, диво, Пронь быдтас, (кыкись)

 

Лёнöс менчим быдöс талис,

Сьöд мусиннас бергöтiс,

Ак тэ, диво, бергöтiс. (кыкись)

 

Висьталi бы айöлö,

Да жаль меным Ванюö.

Ак тэ, диво, Ванюö. (кыкись)

 

Пета талун ойшöрöн

Да лапкися сьöд шальöн.

Ак тэ, диво, сьöд шальöн. (кыкись)

 

Ванюöс ме видзчися,

Голя бердас кутчися,

Ак тэ, диво, кутчися. (кыкись)

 

Размöд сiйö окышта,

Сьöлöм ассим бурмöта

Ак тэ, диво, бурмöта. (кыкись)

 

Розосвосö видзчисям,

А сы бöрын гöтрасям.

Ак тэ, диво, гöтрасям. (кыкись)

 

 

 

ОЙ, ДЕРЕВНЯ МЕНАМ

Туна-тана, гармоння, Деревня кузя муна. Деревня кузя муна

ПОЭМАЭЗ

 

ГОРТТÖМ КÖК

Эта пораö Öддьöн личкасис Шогöн сьöлöмö.

ШУДТÖМ

Медбöрья югöрнас шондiыс орсö, Керку öшыннэсö гöрд биöн öзтö. Кöдзыт ой ладорсянь пондiс вайöтны,

СЬÖЛÖМШОГ

Ветлö небоöт, Шоныт югöрнас Орсö-дзардалö.

ОЛАТ-ВЫЛАТ, КОМИЭЗ

Олат-вылат комиэз, Эмаэз и эмтöммез, Ыджыттэз и учöттэз,

ВИЛЬ ТУЙ ВЫЛÖТ

Öтiк рытö пöлать сёрдын Ерем иньнас лэбтiс зык. Ерем шуö: «Морт оланын

ЧЕЛЯДЬ ПОНДА

 

 

МИ ПИОНЕРРЕЗ

Ми — пионеррез, Ми Ленинлöн челядь. Озйöмöн öзйö

ПИОНЕР МЕ

Киам öзйö югыт плаг. Югыт туйлöт Ленин сьöрö Муна, ог кыссьы, кыдз гаг.

МАСТЕРСКÖЙЫН

Уджалöмсö мастерскöйлiсь видзöтам. Вот джодж шöрö сувтöм Пиля — няньзыр тош, Паськыт черöн сiя лотшкö: клотш да клотш.

ВÖРЫН

Мунiм вöрö вайны тшак; Кин öшöтöма виль зобна, Кинлöн зэв ыджыт бурак.

ДЖЫДЖ

— Джыдж, джыдж, кытчö ветлiн?

— Гулю сёйны ветлi — виньдi.

Ва юи — польдi.

Гор вылö кайи —

Бокö сотчис.

Гöбеч вылö чеччöвтi —

Кокö желлясис.

Улö чеччöвтi —

Кокö чегис.

Пу кок кери —

Сiсьмис.

Лы кок кери —

Пон сёйис.

Из кок кери —

Орсiкö потiс.

Кöрт кок кери —

Йöр вылö чеччöвтi,

«Джыдж, джыдж» — шуи.

КАТША

Катша, катша, китш-котш!

Тури помечö корö.

Кöин кер кыскö.

Ош керку лэбтö.

Кыр öшын писькöтö.

Петук джодж чышкö.

Баля гор вартö.

Сюзь пизь пожналö.

Кöч кöвдöм пöжалö.

Ур би видзö.

Руч дöра кыйö.

Обедайтны пондасö да

Шыд тасьтiас торокан пырас.

Быдöнныс пышшасö.

Ouml;НДЖА

Мымда колö сёртни сёй. Анькытш, боби чур видзö, Калег юр ыжда быдмö,

ТАЛУН МАСЛЕНИЧА

Да талун масленича. Горби одзын чижа-важа, Пызан сайын гажа-гажа.