Православнöй кресьтяна,
Бырöм вешьяна!
Ме тiян поп,
Часöт ен дынсянь топ.
Господи сусе,
Мый сэтчин кывсьö!..
Саваопыт нерад:
Райсис аркмöма ад.
Сускристос пö прокод
Овлö стельки кыдз код:
Юö брага да сур,
А унажык аскур.
Святöй Илля-пророк
Лоöм патькöмöдз топ.
Чижьялö-ветлö,
Рай кузяс вöтлö:
Вот лешак пö и ов,
Öшис медбур кык вöв...
Слыккезöн кывсьö:
Вöввесö Сийко
Лэдзчöтöм райсис.
Мыйкö лёбöны зiля,
Бытьтö дева Мария
Ассис öштöма дон:
Раяс адззöм кык зон.
А Петра апостол
Керöм, мый оз ков:
Важ иньсö вöтлöм
Да томжыкö босьтöм.
Преподобнöй Обросим,
Савватей-Изосим
Да тöвся Микола
Кольöм недельö
Юöмась, юöмась
Да райсиныс усьöмась.
Кывсьö тай слыкöн:
Миян селикын
Керöны öнi пö пожжез.
O господи сусе,
Эшö эд мый кывсьö:
Овдоття Капельнича
Да Анна Сöчельнича
Кыдзкö пантасьöмась
Да рез-паз тышкасьöмась.
Гусьöн висьтасьöны:
Кристосыскöт пö кыскасьöны.
А кöдковну кыдзкö
Осиплö кыськö
Шедöма юрас.
А морт сiя сэтшöм:
Юрö кö шедöм,
Сы шогья лутшö тэ пышшы.
Кин дынö локтö,
Сылö и клёпкö.
Савваоптö пö кыдзкö
Бöжöттяс кыскö.
Ме видзöтi-кери
Да енытлö шуи:
Мыся, святöй светитель,
Кöть тэ и спаситель,
А толк раят абу.
Ме тайö чайта:
Разин бы райтö,
А святöй табунтö
Вöтлiн рай увтö.
Нем нылö татöн
Пукавны святöн,
Мед сэтчин, улын,
Лоасö уджын.