Кöкö горттöм сера басöк кöкиньöй (да ой)
Парма яг шöрын.
Норöн бöрдö чочком юра нылiньöй (да ой)
Югыт шор дорын.
«Чожа ид шепьясяс паськыт ыб вылын (да ой),
Пöдтас кöклiсь горш —
Петыр лун сибöтчас, чожа сыбöрын (да ой)
Нуас менчим горт.
Тöдтöм йöз дынö да пемыт вöр пытшкö (да ой)
Гортсим иньдасö.
Чужöй нянь дорö да нелюбöй сайö (да ой)
Менö сетасö.
Ог ме понды сэки югыт шор дорас (да ой)
Эстöн пукавны.
Веж турун вылас да чочком кыдз увтас (да ой)
Другöс видзчисьны».