Чожжык, чожжык, вöралiссез,
Кылат туткö горöн сюр.
Пемыт ягö сьöлöм кыскö,
Сэтчин миян олан бур.
Пуля, порок абу сiмöм,
Пишаль сивйись оз на усь.
Вежа ягö пыртöн сьылам —
Туйным гажа, туйным кузь.
Вежа яг миянöс тöдö,
Асьным сiдз жö тöдам тэль.
Сьöлöм ёткö, радöн пöдö,
Гора говк панталö пель.
Вöр-ва дорын, кöззэз увтын
Гажöн öгралö бипур.
Небыт нитш да лыссэз вылын
Миян гортным шоныт, бур.
Ош-кöинлö, быдöс звирлö
Вöралiсьлöн тöдса сюр.
Пуля, дробыт тэлльö йиджö,
Уна сюрö сьöла, ур.