Чуки-чаки кöзича
Да талун масленича.
Горби одзын чижа-важа,
Пызан сайын гажа-гажа.
Туран-брага, курыт сур
Оз и садьмöт лунтыр юр.
Кили-кали коробок
Да поекали городок!
Шаль коробын юр да юр,
Вöв бурсисис керöм сюр.
Джыннян боткö тринi-тран,
Лютки-петки нин да бан.
Дуга бердын гоз корöсь,
Проводничаыс Öпрöсь.
Гачу-гачу — Мачуика,
Люткыр-петкыр — мöскучика,
Митреика-атапа
Да Чукрейöвна икота.
Мымда вынныс горöтлöны —
Миков дядьöс лыддьöтöны.
Йыа-йыа ыджыт керöс.
Керöс йылас мунö пöрöс.
Сэтчин отир вöрö-вöрö,
Усьö-пöрö, öсек керö.
Лэдзчö-шупкö ыджыт дадь,
Увтас ружтö Сеня дядь!