Екінші топ катиондарын ажыратуға қолданылатын реактивтер

1. Аммоний карбонаты (NH₄)₂СО₃. Үшінші топ катиондарына топтық реактив.

Екі негізді көмір қышқылы тұздардың екі қатарын түзеді: орта – карбонаттар (немесе көмірқышқылдық) және қышқыл – гидрокарбонаттар (немесе қышқыл көмірқышқылдық). Мысалы, (NH₄)₂СО₃ – аммоний карбонаты, NH₄HCO₃ – аммоний гидрокарбонаты. Барий және кальций карбонаттары суда ерімейді, гидрокарбонаттары Ва(НСО₃)₂ және Са(НСО₃)₂ суда жақсы ериді.

2. Калий хроматы К₂CrO₄ және калий бихроматы K₂Cr₂О₇. Калий хроматының K₂CrО₄ сулы ерітіндісінде К⁺ түссіз иондары және сары түсті хромат-иондар болады:

K₂CrO₄ ↔ 2К⁺ + CrO₄^2-

Калий бихроматы K₂Cr₂О₇ ерітіндісінде түссіз К⁺-иондары және сары-қызыл түсті бихромат-иондары Cr₂О₇^2- болады:

K₂Cr₂O₇ ↔ 2К⁺ + Cr₂O₇^2-

Егер К₂СrO₄ ерітіндісіне қышқыл қосатын болсақ, K₂Cr₂О₇ түзілуі салдарынан түсі сарыдан сары-қызыл түске ауысады:

2K₂CrO₄ + 2НС1 = K₂Cr₂О₇ + 2КС1 + Н₂О

2СrO₄^2- + 2Н⁺ = Cr₂О₇^2- + Н₂О

K₂Cr₂О₇ ерітіндісіне сілті қосқанда оның қызыл-сары түсі K₂CrО₄ түзілуі салдарынан сары түске өтеді:

K₂Cr₂О₇ + 2КОН = 2К₂СrO₄ + Н₂О

Cr₂О₇^2- + 2ОН^- = 2CrО₄^2- + Н₂О

Демек, қышқыл ерітіндіндіде Cr₂О₇^2— иондары болса, сілтілік ерітіндіде CrО₄^2- иондары болады.

3. Гипс суы – кальций сульфатының СаSO₄ қаныққан ерітіндісі.

4. Аммоний оксалаты(NH₄)₂C₂О₄. Қымыздық қышқылы H₂С₂О₄ – екі негізді, екі сатыда диссоциацияланады:

H₂С₂О₄ ↔ Н⁺ + HC₂О₄^-

HС₂О₄^- ↔ Н⁺ + С₂О₄^2-

Барий және кальций оксалаттары суда ерімейді.