Арт. 1. О записех на именья свои отчызные й материстые. О записех на именья свои отчызные материстые и всяким обычаем набытые,...
Што вси от сего часу й дня водно й моцно кождому именья свои отчызные й земские материстые й выслужоные купленые й яким кольвек обычаем набытые й названые, не смотречы третее й двох частей, яка перед тым бывало в статуте обычаем стародавным, але все с домом, хто их што маеть, будь теж половицу або й которую их часть, й по собе й у одно або люди земли, што хотя от них водле доброе воли своее й мысли, отдати, продати, даровати й записати заставити, от детей й близких отдалити, подле баченья своего тым шафовати. Й хотя бы перво которую часть албо половицу именья своего альбо што кольвек люди земли кому продал записал; тогды остаточных именей своих потому ж волен шафовати вечностью заставою, як воля его будеть, отдаляючы то от детей [й] близких своих. А ведьже кождый таковый, або продасть альбо даруеть, сам очивисте перед нами господарем об’явити маеть, або перед урядом земским, где в котором повсте тое именье лежит, або до которого суду земского прислухаеть.... а тот кому, продано або яким кольвек обычаем записано будет, с тым листом записом своим й теж записом врядовым маеть ехати або послати до того вряду земского поветового, где в котором повете именье лежати будеть, а то оповедавши маеть до книг земских тот запис свои увести, а уряд урядови верити маеть.
Арт. 3. Хто бы хотел именье свое отчизное продати або зоставити. ... тогды маеть прийти перед нас господара або перед вряд земский, в котором повете тое именье лежит, об’явити перед судом земским, которая продажа за таковым обычаем будеть моцна й вечне держана, хотя бы на то й потверженья нашего господарского не было. А ведьже тот, кому будеть записано, того ж часу маеть, взявши возного з уряду поветового, увойти в держанье й того именья пакли бы по оном записе в держанье того именья не пришол, а давность земскую десеть лет промолчал, тогды таковая продажа й застава потом моцы ни которое мети не будеть.
Арт. 4. О вольности продати третюю часть на вечность. Уставуем, хто бы хотел именье своє отчизное продати на вечность; тогды только третюю часть именья отчизного вольно ему на вечность продати, а две части того ж именья в суме зоставити....
Арт. 5. О записех аменей купных. Уставуем теж, иж кождому будет вольно именье свое куплю й выслугу отдати й продати й кому хотечы записати, бы теж кому й обчому, от детей й близких своих все не менуючи третее части; а ведь же тые тым же обычаем, пришедши перед нас господаря або перед вряд земский часу роков судовых, маеть обьявити й сознати й до книг земских тую продажу свою записати, за которым оповеданьем тая продажа маеть вечне держана быти. ...
РОЗДЕЛ ОСМЫЙ
О тестаменьтех
Арт. 1. Хто можеть а не можеть о речах своих рухомих тестамент чинити. Уставуем, иж кождый маеть мети моц о речах своих рухомых тестамент чинити, кром тых парсун нижей описаных, которые парсуны иж подле права не мають ничого вольного, для того тестаментом никому ничого отдати не могуть: наипервей дети лет зуполных не маючие, законники будучи в законе не привильеваном, принемши й потвердившися в законе, сынове з отцем недельные окром речей набытья своего властного або выслуг, бо теж в чужую моц поданые, то ест тот кого бы кому выдано з его статки, шаленые, кацеры, невольники, от розуму отходячие, а ведьже тые, коли к собе прийдуть, моцны тестамент свой чинити, так теж й чти отсужоные не могуть тестаментов чинити.
Арт. 4. Ни хто не можеть невольнику своєму ничого записати, вольним не вчинивши. Уставуем, иж кождый якого кольвек стану невольнику своему, не вчинившы его на перед вольным, ничого тестаментом записати не может, абы его первей вольным учинил. А ведьже тестаментом иж каждым листом явным можеть невольника своего вольным учынити, а учинившы, тым же тестаментом можеть ему што рухомого водле воли своее записати.
Арт. 5. Кождый слуга путний й мещанин мест неупривильеваных й теж человек простий як маеть тестамент чинити. Уставуем, иж кождый с таковых людей волен тестамент чынити о речы своє рухомые й описати третюю часть маетности своее всее кому хочеть, а две части тых же рухомых речей маеть зоставити дитяти в дому своем, для отслугованя с тое земли свое, на которой седить; а не будеть ли мети детей ино предсе тые две части маетности его маеть зостати в дому его ку службе оного пана, на чыей земли седить. ...
РОЗДЕЛ ОДИНАДЦАТЫЙ
О кгвалтех й о головщызнах шляхецких
Арт. 1. Хто би на чий дом або на господу умисльне наехал, хотечи его забити. ... , а умыслне наехавши або нашедши, а в том дому кого кольвек ранил або забил, а то бы на него переведено было слушным доводом; таковый горло тратит, а головщизна близким з именья плачена быти маеть. А естьли бы кгвалтом наехал або на дом нашол, а никого не ранил а ни забил, а знаки предсе кгвалту або шкоду якую учинил; тогды только за кгвалт будеть повинен платити дванадцать рублей грошей й шкоду оправити за слушным доводом, а горла для нахожденья кгвалту не тратит....
Арт. 2. О довод кгвалту, як мають осведчати й обжаловати.... естьли бы на чый дом або на господу чью наехал й забил кого; тогды скоро по оном кгвалте того ж часу кгвалт й того забитого маеть оповедати й сказати околичным суседом своим, а в небытности их ино врядникам их шляхте людем добрым, а в недостатку шляхты ино также околичным суседом своим, хотя й не шляхте только людем добрым веры маеть оказати, а потом обжаловати вряду замковому або двору нашому, которий близший будеть, и возного взяти й так же сказати кгвалт й забитого, й тот кгвалт й жалобу в книги записати.