Бағыттауышты ашу үшін Іске қосу батырмасын басып, Бағдарламалар -Стандартты - Бағыттауыш әмірлерін таңдаңыз.
Бағыттауыш терезесі Тақырып жолынан, Мәзір жолағынан, Құралдар үстелінен, Мекен жай жолағынан, Жұмыс аймағынан тұрады.
Бағыттауыш терезесінің жұмыс аймағы екі бөлікке бөлінген:
1)сол жақта - каталогтар бұтағы;
2)оң жақта - бумалар мазмұнын қарап шығу терезесі.
Бұндай орналасу файлдар мен бумаларды іздеу, көшіру немесе жылжыту барысын оңайлатады. Каталогтар бұтағында дәл осы сәтте Сіздің компьютеріңізге қосылып тұрған дискілердің барлығы, соның ішінде С: жергілікті дискі, 3,5 А дискі, желілік бумалар көрініс табады.
Құралдар үстелінде мына батырмалар орналасқан:
•«Артқа» - алдыңғы бетке жылжу;
•«Алға» - келесі бетке жылжу;
•«Жоғары» - 1 деңгейге жоғары;
•«Іздеу» - файлдар мен бумаларды іздеу терезесін шақыру;
•«Бума» - бағыттауыштың сол жақ бөлігін реттеу, Windows стандартты терезесі;
•«Көрініс» - ашылма тізім көмегімен файлдар мен бумаларды көрсету түрін өзгерту Мекен жай жолағы ағымдағы бумаға, мысалы, С: дискіне баратын жолды көрсетеді.