Қоршаған табиғаттағы аэрозолдар, барынша жиі кездесетін құбылыс. Тұзбен қаныққан аспан, емдік фитноцидтер, теңіз ауасы – осылардың барлығы пайдалы аэрозолдар. Сонымен бірге зиянды аэрозолдар да бар: двигательдің ішкі жануынан шыққан газдар; түтіндер және т.б.
Аэрозолдар тропосферада, сол сияқты атмосфераның жоғары қабаттарында байқалады.
Иондар. Жердегі радиоактивтік сәулелену және атмосферадағы ғарыштық сәулелердің әсерімен иондар пайда болады. Ауаның 1 текше сантиметрінде олардың саны әлденеше жүзден әлденеше ондаған мыңдарға дейін жетеді.
Теріс зарядты жеңіл иондар тірі организмге жағымды әсер етеді. Ауасы ластанған қалаларда атмосферадағы иондардың саны неғұрлым аз.
Атмосфераның өзін-өзі тазалуы. Ауа мұхиты ластаушы заттардан өзін-өзі тазалау қабылетіне ие болып саналады.
Аэрозолдар атмосферадан жауын-шашын арқылы шайылып кетеді, иондар электр өрісінің әсерімен, сондай-ақ гравитация салдарынан атмосфераға отырады.
Кез келген ластану табиғаттың бейтараптандыруға бағытталған қорғаныс кері әсерін туғызады, дегенмен атмосфераның өзін-өзі тазалау қабылетінің белгілі бір шекарасы бар екендігін атап өту көзделеді.
Атмосфералық ауаның маңызы аса зор:
· Атмосфераның құрамына кіретін оттегі тыныс алу процесінде бүкіл тірі организмдер үшін қажет;
· Жердің жылу тәртібін реттейді, жер шары бойынша жылу мен ылғалды қайта бөлуге (таратуға) әсер етеді;
· Жарық тәртібін анықтайды (айқындайды);
· Құртып, жойып жіберетін рентген, ультракүлгін және ғарыш сәулелерінен жерді қорғайды;
· Дыбыс тарату ортасы;
· әуе көлігі үшін маңызды жол.