Атмосфералық ластану түрінде жер флорасы мен фаунасына және адамзат қоғамының өмірлік жағдайына әсер ететін ауада әртүрлі газдардың, қатты және шаң-тозаң бөліктерінің, булардың (табиғи немесе антропогендік көздерден түсетін), қоспалардың (концентрациялардың) артық жинақталып қалуы түсіндіріледі. Атмосфераны табиғи және жасанды ластау ажыратылады. Шаңмен, судан көтерілген булармен және өзге де заттармен, вулкандардың атқылауы, теңіз суларының булануы, тау жыныстарын желдің көтеріп әкетуі, орман және дала өрттері және т.б. с.с. табиғат құбылыстары нәтижесінде табиғи ластану болады.
Жасанды ластану адамдардың антропогендік қызметі нәтижесінде болады, негізінен, бұл - өнеркәсіп, көлік кәсіпорындарының, ауыл шаруашылық, құрылыс ұйымдарының, коммуналды-тұрмыстық объектілердің қоқыс-қалдықтары.
Жыл ішіндегі жер атмосферасында пайда болатын шаңдардың таралуы, ластану көздері бойынша 2.5.2. кестеде көрсетілген.