Орытынды

Біз осы практикалық жұмыс барысында жыл бойы өткен семинар мен зертханалық жұмыс курстарынан алған білімді осында қолданып, білімімізді жетілдіріп, қосымша мәліметтерге қанығып, бекіттік. Бурабай өлкесіне барған сәттен бастап коркем табиғатының сұлулығына тәнті болдым. Бурабай орман-таулы атырабы-елдің ұлттық қазынасы. Оның экологиялық, ғылыми және мәдени құндылығы ерекше. Бурабай – табиғаттың өз қолымен жасаған кереметі. Шипажайдың ең әсем айдыны – «Айнакөлдің» жағасында ғасырлар сақшысындай «Оқжетпес» шыңы асқақтаса, көгілдір шығанақтың жанында жұмбақ арал-жартас толқынмен тербеледі. Көне Мысыр билеушілерінің ғажайып туындыларына ұқсас гранит мүсіндерді табиғат ұзақ қашаған.Мына бір жаратылыстың өзі жасаған сфинкс – «Жұмбақтас» атына сай, бірде аруға, енді бірде мыстанға ұқсайды.
Айнакөл мен Үлкен Шабақты көлдерінің құйылыстарынан тамаша көрініс ашылады. Бұл жерден Көкше таулары, Бурабай шыңдары мен Жеке Батыр асқарлары көзге шалынады. Табиғаттың осынау перзенттерінің ғасырдан-ғасырға өтіп келе жатқан өз аңыздары бар. Ақындар Көкше тауларының бөктерлерінде жүздесіп, жыр жауһарларын тудырған. Біржан Сал ,Ақан Сері, Үкілі Ыбырай, Мағжан мен Сәкен, Ілиястар да оны өз ән-жырларының арқауы еткен. «Бурабай» – шалқар көлдердің өлкесі де. Мұнда үлкен-кішілі 20-дан астам айдындар бар. «Жеке батыр» жотасының шығыс етегіндегі «Шортанды» көлі ең тереңі. Онда алабұға, шортан мен шабақ және тағы да басқа балық түрлері мол. Бурабай – шипажайлардың, демалыс үйлерінің, спорттық-сауықтыру кешендерінің және профилакторилердің өңірі. Әр маусым сайын мұнда еліміздің түкпір-түкпірлерінен және жақын да, алыс шетелдерден мыңдаған адамдар тынығуға келіп,денсаулықтарын түзеп, әсем табиғаттың аяларын қызықтайды. Бұл жерде тыныс алу, асқазан-шек жолдарын мен жүрек-қан тамырларын, қозғалыс ағзаларын емдейді. Бурабайдың даңқын дәру қымызы мен шипалы батпағы және минералды сулары да әлемге жайды. Орталық Қазақстанның осынау жерұйығында тұлғалы таулары мен көгілдір айна көлдері, биші қайыңдары, жағалауға күбірлей соғылған лағыл толқындары да таңдандырады. Әсіресе, жұпар шашқан қылқан жапырақты ормандары керемет. Мұндағы ағаштардың 65 пайызы балқарағайлар. Сондығынан да ауасы аса шипалы. Табиғат Бурабайда денсаулыққа мол шипаның өзіндік шеберханасын жасаған. Жартастар, қарағайлы ормандар мен айнакөлдер, бал бұлақтар!..Қызығы әсте таусылмайтын табиғаттың осынау Жерұйғына бір келсеңіз, қайта орала береріңіз анық!

Бурабайдың экологиясын жақсарту үшін өз қосатын ойым бар және олар көп. Адам баласы табиғатты қалай қолдана білсе, солай қорғай, қолдай білу керек!

Біріншіден, Көкше тауға (947 м) көтерілу жолында тұрақтау 4 нүкте бар, ол жер адамдар тығығып, дем алу үшін құрылған. Менің байқағаным ол жерлерде қоқыс тастайтың арнайы орындар жоқ! Адамдар ондай орын жоқ болғасын қолдарындағы босаған судың шөлмектерін әр жерге лақтырады! Сол үшін арнайы қоқыс орындар қажет!

Екіншіден, жан-жақтан келген туристар Жұмбақтас пен Оқжетпестің майда тастарына неше түрлі есімдер жазады,зираттардағы құлыптас па дейсің көрген кезде?! Маңайларында ешқандай ескерту тақталры жоқ, орнату керек, ескерту керек! Жазған жабайы туристерге айыппұл салу!