Реферат Курсовая Конспект
Бурабай» мемлекеттік ұлттық табиғи паркі - раздел Образование, Мазмұны «Бурабай» Мемлекеттік ұлттық Табиғи Паркі – Ақмола Об...
|
«Бурабай» мемлекеттік ұлттық табиғи паркі – Ақмола облысының Щучье ауданында орналасқан. 2000 жылы ұйымдастырылған. Саябаққа Қазақ ұсақ шоқылы аймағының Сарарқаның солтүстік-батыс бөлігіндегі Көкшетау қыратының шығыс бөлігінде орналасқан Бурабай таулы орман сілемі кіреді. Жер аумағы 83,5 мың га. Саябақ орналасқан аймақта ауа райы континенттік, қысы суық әрі ұзақ, ал жазы қысқа, ыстық. Қаңтардың орташа температурасы – 16,7 °С, шілдеде – 18,6 °С. Бурабай сілемдерінде Бурабай, Шортанды, Қатаркөл, Үлкен және Кіші Шабақты, т.б. табиғаты әсем көлдер көп. Мұндағы көлдердің суы негізінен тұщы. Саябақ аумағында шағын өзендер мен жылғалар да бар. Бурабай орман сілемінде қылқан жапырақты және аралас жапырақты қалдық ормандар плейстоцен дәуірінен бері сақталып келеді. Онда республиканың солтүстік аймақтарына тән өсімдіктер мен жануарлардың реликт түрлері де сақталған. Саябақта өсімдіктердің 757 түрі өседі, оның 95-і сирек және жойылып кету қаупі бар түрлер (ірі гүлді шолпанкебіс, қара қандыағаш, бұғы қынасы, Фукс сүйсіні, т.б.). Орманды алқапта көбірек өсетін ағаштың бірі – қарағай. Одан басқа көктерек, тал, ырғай, бозарша, итмұрын, долана, қарақат, т.б. өседі. Реликті түрлерден – қырықжапырақ, қырықбуын, плаун,қияқөлен, мүкжидек, т.б. бар. Сондай-ақ саябақтың флора құрамында дәрілік, тағамдық, әсемдік өсімдік түрлерін көптеп кездестіруге болады. Кейбір шағын көлдердің жағалауларында реликті шымтезек батпақтары да бар. Саябақтың фауна құрамы да өте бай. Мұнда омыртқалы жануарлардың 305 түрі мекендейді, олардың 87-сі сирек кездесетін түрлер. Мұнда кәдімгі бұғы және асканияның буданды бұғылары жерсіндірілген. Орманды алқаптарда сілеусін, ақкіс, ақ қалақ, орман сусары, т.б. мекендейді. Саябақ аумағында балықтардың 6, қосмекенділердің 3, бауырымен жорғалаушылардың 6, құстардың 200-ден астам түрі кездеседі. Қазақстанның «Қызыл кітабына» енген бүркіт, қарақұс, үкі, т.б. бар. Омыртқасыздар әлемі әлі толықтай зерттеліп біткен жоқ. Бірақ қорғауға алынған жәндіктердің кейбір түрлерін: әдемі қызинелік, Сервилдің севчугі, дала сколиясы, карминді поляк сымыры, т.б. кездеседі. Саябақ ландшафтысының ғажайып табиғатына қарап, бұл алқапқа «Қазақстан Швейцариясы» деген теңеу береді. Мұнда үгілу мен желдің әсерінен ерекше тас мүсіндер қалыптасқан. Мысалы«Оқжетпес», «Ұйқыдағы батыр», «Бүркіт», «Түйе», «Сфинкс». Ұлттық парк Қазақстан Республикасы Президентінің Іс басқармасына қарасты республикалық маңызы бар ерекше қорғалатын табиғат аймағына енетін табиғатты қорғайтын мемлекеттік мекеме болып табылады. Бұл дәреже оған осыдан 7 жыл бұрын берілген. Ұлттық парктің негізгі мақсаты: экожүйенің тұтастығын, эталонды және бірегей табиғат кешендері мен нысандарды, тарихи және мәдени ескерткіштерді, тарихи мұраларды сақтау және зерттеу. Бүлінген табиғи және тарихи-мәдени кешендер мен нысандарды қалпына келтіру. «Бурабай» МҰТП аумағы Ақмола облысының Щучье және Еңбекшілдер аудандарында орналасқан. Қазіргі кезде ұлттық парк жерінің аумағы 83510 га, оның ішінде 47361 га орман алқабын құрайды. Жер беті сулары 8493,5 га жерді алып жатыр. «Бурабай» МҰТП мемлекеттік мекемесі 7 орманшылықтан құралады: (Ақылбай, Бурабай, Қатаркөл, Золотобор, Бармашын, Мирный, Приозерный) және қосымша өндірістік салаға байланысты қызмет көрсететін орындар бар. 2007 жылы қызметкерлердің штаттағы саны 264 адамды құраған. 1898 жылы қазіргі ұлттық парктің батыс бөлігінің аумағында құрылған Қазыналық орманшылық үлкен мақсатқа бағытталған алғашқы қадам болды. Мекемеде ғасырға жуық кезеңде әртүрлі қайта құрулар жүрді. 1935 жылы Бурабай мемлекеттік қорығы құрылып, 1952 жылы қорық таратылды, оның орнына Бурабай орман шаруашылығы қайта құрылды, 1957 жылы Бурабай аң шаруашылығы және Золотобор орман шаруашылығы таратылып, 1997 жылы Бурабай орман шаруашылығы Бурабай табиғи-сауықтыру орман кешені мемлекеттік мекемесі болып өзгертілді. 2000 жылы «Бурабай» мемлекеттік ұлттық табиғи паркі пайда болды.
Қазақстан Республикасы Үкіметінің «Ерекше» қорғалатын табиғи аймақтар туралы Заңына сәйкес Қазақстан Республикасы Президентінің Іс басқармасы бұйрығымен 2006 жылдың 10 қазанынан «Бурабай» МҰТП-ны 2007-2011 жылдарға басқару жоспары белгіленіп, мақсаты айқындалды.
«Бурабай» МҰТП басқармасының тиімді сызбасының пайда болуы болашақта оның дамуының анықтамалық перспективасын айқындады, табиғи жерлер және мемлекеттік табиғи қорықтың қорын құру қазіргі заманға сай инфрақұрылымдық саясат болып табылады. Ұлттық паркте ғылыми ізденістер мынадай бағыттарда іске асады: мемлекеттік қорды зерттеу, инвентаризациялау, төлқұжаттандыру; ғылыми негізделген шараларды қалпына келтіру мен сақтауды жетілдіру; түрлі қорғау тәртібінің экожүйеге, экологиялық ағартуға әсерін және табиғат үдерісінің табиғи ағымдарын зерттейді. Осы жұмыстардың бәрі табиғат қорғау қызметін белсенді және жедел түрде өткізуді қажет етеді. Барлық парк аумағы 15 шеберлік бөліктерден және 56 қору аймағынан тұрады. Орман тазалығы қанағаттанарлықтай, биотехникалық өртке қарсы күрес, орманды күзету, қорғау, қалпына келтіру жұмыстары үнемі іске асырылып отырады. Ұлттық парктің қызмет барысының жемісті орындалуына жергілікті тұрғындар мен келіп жатқан демалушылар әсері де аз емес. Осы тұрғыдан қарағанда жұмысты ұйымдастыруда, халықты тәртіпке шақыруда, таныстыруда жасалатын іс-шаралардың маңызы зор. Мысалға, экологиялық оқулар өткізу, табиғатты қорғауды насихаттау, табиғат мұражайының экспонаттарына түсініктеме жүргізу, бағдар қағаздар тарату, орман арасына әр түрлі табиғат қорғау жөніндегі ақпараттар орналастыру.
Бүгінгі күні әлеуметтік-экономикалық ерекше мәнді туризм индустриясын, табиғаттың табиғи тепе-теңдігін сақтай отырып дамыту аса маңызды.
Бурабай табиғатының туризмі: емдік-сауықтыру, экологиялық, танымдық, әлеуметтік, спорттық туризмге сәйкес келеді.
Қазіргі кезде ұлттық парктің аумағында 18 экологиялық туристік бағдарлар, 3 автобустық саяхат, 3 аттылы саяхат үдерісі жетілдіріліп, орнықтырылған. Оған қосымша жаяу, автобуспен, сумен, аттылы біркүндік және көпкүндік экотуристік бағдарлар саяхаты жетілдіріліп келеді.
Жаз мезгілінде ұлттық парктің аймағында шатырлы қалашықтар мен жағажай аймағында демалыстар ұйымдастырылады.
Қазір парк аумағында әр түрлі құрылыс нысандары жүргізіліп жатыр. Орталықта жылына мыңдаған саяхатшыларды қабылдайтын мұражай салынуда. Бурабай кентінің сыртында 8 га жерге МҰТП кеңсесі, 54,8 га аумақта марал шаруашылығы құрылысы т.б. құрылыс нысандары жүргізілуде. 2008 жылда Мәдениет үйіне іргелі жөндеу, 4 орманшылық ғимаратында, Бурабай орманшылық кордонында құрылыс жұмыстары жалғастырылуда. Ұлттық парктегі қорғау тәртібіне байланысты және табиғат ресурсын пайдалану мақсатында функционалды аймақтандыру жолға қойылған. Ұлттық парктің қорықтық аймағында шаруашылық іс-әрекеттердің кез келген түріне, рекреакциялық пайдалануға тыйым салынған және қорықтық тәртіпке сәйкес жүзеге асырылуда. Табиғат кешендерін, жер телімдерін және су көздерінің негізгі элементі табиғатты пайдаланудың шектеулі тәртібі болып табылады.
«Бурабай» МҰТП-ның меңгерушілік жоспарына сәйкес келешекте табиғи кешеннің сақталуына қамқорлық жасау, саяхаттың дамуына, табиғаты сұлу Көкшені елге танымал етуде қазіргі заманға сай туризмнің инфрақұрылымын жетілдіру, алға қойылған мақсаттарды орындау жұмыстары жүргізілуде [6, б. 112].
– Конец работы –
Эта тема принадлежит разделу:
Бурабай мемлекеттік лтты таби и паркі... Бурабай мемлекеттік лтты таби и...
Если Вам нужно дополнительный материал на эту тему, или Вы не нашли то, что искали, рекомендуем воспользоваться поиском по нашей базе работ: Бурабай» мемлекеттік ұлттық табиғи паркі
Если этот материал оказался полезным ля Вас, Вы можете сохранить его на свою страничку в социальных сетях:
Твитнуть |
Новости и инфо для студентов