Орта кәсіптік білімнің құрылымы және мазмұны

Орта кәсіптік білім негізінен колледж, лицей болып бөлінеді. Білім беру жүйесін реформалауға байланысты 1989 жылдан бастап дәстүрлі кәсіптік-техникалық училищелер базасында - лицейлер, техникумдар базасында - колледждер құрылды. "Білім туралы" Заңда "колледж дегеніміз орта кәсіптік

білімі бар мамандар даярлаудың білім беру бағдарламаларын асыратын оқу

орны" - деп көрсетілді.

Білім беру стандарттары мен типтік бағдарламаларда мамандардың колледждердегі алған кәсіптік білімдерін жоғары оқу орнында бакалавриат білім беру жүйесінде сабақтастықта толықтыра түсуге мүмкіндік жасалған. Колледжді бітірушілер үшін мамандықтарына сәйкес жоғары оқу орындарында қысқартылған оқу формасы бойынша 3 жыл оқиды. 12 жылдық мектепті бітірген талапкер бастауыш білім беретін мектептер үшін мамандар дайындайтын педагогикалық колледждердегі оқу мерзімі 2 жыл деп белгіленіп отыр.

Орта кәсіптік білім – білім беру жүйесіне қатысты мемлекеттік саясаттың ауқымды да маңызды бағыттарының бірі. Қазақстан Республикасының «Білім туралы» Заңында «Білім беру жүйесінің басты міндеті – ұлттық және жалпы азаматтық құндылықтардың, ғылым мен практика жетістіктерінің негізінде жеке адамды қалыптастыруға, дамытуға және оның кәсіптік шеберлігін шыңдауға бағытталған білім алуға қажетті жағдайлар жасау» деп көрсетілген.

Олай болса, кәсіптік білім беру саласының алдында тұрған міндеттер де аса ауқымды, сан-салалы, өте маңызды екені баршаға мәлім. Оған айғақ: Елбасының «2030 стратегиялық бағдарламасында» берілген нақты тапсырмалардың жартысына жуығының білім беру, жастар тәрбиесіне арналуы және 2000 жылдың 15 маусымындағы «Бастапқы және орта кәсіптік білімді одан әрі дамыту шаралары туралы» №721 Үкімет қаулысының қабылдануы болып отыр.

Техникалық және кәсіптік білім беру саласының материалдық-техникалық базасы жыл сайын артуда. Сонымен қатар, компьютерлік аудиториялар, оқу-өндірістік және технологиялық құралдармен, дәнекерлеу құралдарымен, автомобильді техникамен, оқу аудиториясы мен зертханаларға қажетті жабдықтармен толықтырылды. Одан басқа, әлеуметтік әріптестік тарапынан техникалық және кәсіптік білім беру саласының материалдық-техникалық базасы 360 млн.теңге көлемінде толықтырылды. Техникалық және кәсіптік білім беру саласында 40,0 мыңнан астам педагогикалық қызметкер жұмыс жасайды.